Anumodanā Gāthā

Yathā vārivahā pūrā paripūrenti sāgaram
Evam eva ito dinnam petānam upakappati
Icchitam patthitam tumham khippam eva samijjhatu
Sabbe pūrentu saïkappā cando pannaraso yathā mani jotiraso yathā.

Sabbītiyo vivajjantu sabba-rogo vinassatu
Mā te bhavatv antarāyo sukhī dīghāyuko bhava
Abhivādana-sīlissa niccam vuddhāpacāyino
Cattāro dhammā vaddhanti āyu vanno sukham balam.

Āyu-do bala-do dhīro
vaṇṇa-do paṭibhāṇa-do,
Sukhassa dātā medhāvī,
sukhaṃ so adhigacchati.

Āyuṃ datvā balaṃ vaṇṇaṃ
Sukhañ-ca paṭibhāna-do;
Dīgh’āyu yasavā hoti,
yattha yatthūpapajjatī’ti

Bhavatu sabbamaṅgalaṃ
rakkhantu sabbadevatā
sabba-buddhānubhavena
sadā sotthi bhavantu te

Bhavatu sabbamaṅgalaṃ
rakkhantu sabbadevatā
sabba-dhammānubhavena
sadā sotthi bhavantu te

Bhavatu sabbamaṅgalaṃ
rakkhantu sabbadevatā
sabba-saṅghānubhavena
sadā sotthi bhavantu te

Sādhu！Sādhu！Sādhu！