Dhajagga Paritta

Handa mayaṁ Dhajagga Parittaṁ bhaṇāma se

Araññe rukkhamūle vā,
suññāgāreva bhikkhavo;
Anussaretha Sambuddhaṁ,
bhayaṁ tumhāka no siyā.

No ce Buddhaṁ sareyyātha,
lokajeṭṭhaṁ narāsabhaṁ;
Atha Dhammaṁ sareyyātha,
niyyānikaṁ sudesitaṁ.

No ce Dhammaṁ sareyyātha,
niyyānikaṁ sudesitaṁ;
Atha Saṅghaṁ sareyyātha,
puññakkhettaṁ anuttaraṁ.

Evaṁ Buddhaṁ sarantānaṁ,
Dhammaṁ Saṅghañca bhikkhavo;
Bhayaṁ vā chambhitattaṁ vā,
lomahaṁso na hessatī'ti.