Āṭānāṭiya Paritta

Handa mayaṁ Āṭānāṭiya parittaṁ bhaṇāma se.

Vipassissa namatthu
Cakkhumantassa sirīmato
Sikhissa pi namatthu
Sabba-bhūtānukampino

Vessabhussa namatthu
Nhātakassa tapassino
Namatthu Kakusandhassa
Māra-senappamaddino

Konāgamanassa namatthu
Brāhmaṇassa vusīmato
Kassapassa namatthu
Vippamuttassa sabbadhi

Angīrasassa namatthu
Sakya-puttassa sirīmato
Yo imam Dhammam-adesesi
Sabba-dukkhāpanūdanam.

Ye cāpi nibbutā loke
Yathābhūtam vipassisum
Te janā apisuṇā
Mahantā vītasāradā

Hitaṁ deva-manussānaṁ
Yaṁ namassanti Gotamaṁ
Vijjā-caraṇa-sampannaṁ
Mahantaṁ vītasāradaṁ
Vijjā-caraṇa-sampannaṁ
Buddhaṁ vandāma Gotaman'ti