Khandha Paritta

Handa mayaṁ Khandha parittaṁ bhaṇāma se

Virūpakkhehi me mettam
Mettam Erāpathehi me
Chabyā-puttehi me mettam
Mettam Kaṇhā-Gotamakehi ca

Apādakehi me mettam
Mettam di-pādakehi me
Catuppadehi me mettam
Mettam bahuppadehi me

Mā mam apādako himsi
Mā mam himsi di-pādako
Mā mam catuppado himsi
Mā mam himsi bahuppado

Sabbe sattā sabbe pāṇā
Sabbe bhūtā ca kevalā
Sabbe bhadrāni passantu
Mā kiñci pāpamāgamā

Appamāṇo Buddho,
Appamāṇo Dhammo,
Appamāṇo Sangho,

Pamāṇa-vantāni sirim-sapāni,
Ahi vicchikā sata-padī uṇṇānābhī sarabū mūsikā,
Katā me rakkhā, Katā me parittā,
Paṭikkamantu bhūtāni.
Soham namo Bhagavato,
Namo sattannam Sammā-Sambuddhānam.