Namakārasiddhi Gāthā


2018-07-15 04:35:34
Yo cakkhumā moha-malāpakaṭṭho
Sāmam va Buddho Sugato vimutto
Mārassa pāsā vinimocayanto
Pāpesi khemam janatam vineyyam.

Buddham varantam sirasā namāmi
Lokassa nāthañca vināyakañca.
Tan-tejasā te jaya-siddhi hotu
Sabbantarāyā ca vināsamentu.

Dhammo dhajo yo viya tassa satthu
Dassesi lokassa visuddhi-maggam
Niyyāniko dhamma-dharassa dhārī
Sātāvaho santikaro suciṇṇo.

Dhammam varantam sirasā namāmi
Mohappadālam upasanta-dāham.
Tan-tejasā te jaya-siddhi hotu
Sabbantarāyā ca vināsamentu.

Saddhamma-senā Sugatānugo yo
Lokassa pāpūpakilesa-jetā
Santo sayam santi-niyojako ca
Svākkhāta-dhammam viditam karoti.

Sangham varantam sirasā namāmi
Buddhānubuddham sama-sīla-diṭṭhim.
Tan-tejasā te jaya-siddhi hotu
Sabbantarāyā ca vināsamentu.
Kritik dan saran,hubungi : cs@sariputta.com