Sīvalī Paritta

Pūretvā pārami sabbe
Sabbe pacceka nāyakā
Sīvali guṇa tejena
Parittaṃ taṃ bhaṇāmahe
Na jālītī’ti jālitaṃ ā ī ū āma isvāhā
Buddhasāmi Buddha satyāṃ

Padumuttaro nāma jino
Sabba dhammesu cakkhumā
Ito sata sahassamhi
Kappe uppajji nāyako

Sīvali ca mahā thero
So’raho paccayādinaṃ
Piyo devamanussānaṃ
Piyo brahmāṇamuttamo
Piyo nāga supaṇṇānaṃ
Pīniṇdriyaṃ namāma’haṃ

Nāsaṃ sīmo ca mosīsaṃ
Nānājāliti sañjaliṃ
Sadeva manussa pūjitaṃ
Sabba lābhā bhavantu me

Sattāhaṃ dvāra mūḷho’haṃ
Mahādukkha samappito
Mātā me chanda dānena
Evamāsi sudukkhitā

Kesesu chijjamānesu
Arahattamapāpuṇī
Devā nāgā manussā ca
Paccayānu’panenti me

Padumuttarā nāmañca
Vipassiṃ ca vināyakaṃ
Sampūjayiṃ pamudito
Paccayehi visesato

Tato tesaṃ visesena
Kammānaṃ vipuluttamaṃ
Lābhaṃ labhāmi sabbattha
Vane gāme jale thale

Tadā devo paṇītehi
Mamatthāya mahāmati
Paccayehi mahā vīro
Sasaṅgho loka nāyako

Upaṭṭhito mayā Buddho
Gantvā Revata maddassa
Tato jetavanaṃ gantvā
Etadagge ṭhapesi maṃ

Revataṃ dassanatthāya
Yadā yāti vināyako
Tiṃsa bhikkhu sahassehi
Saha lokagga nāyako

Lābhīnaṃ Sīvali aggo
Mama sissesu bhikkhavo
Sabba loka hito satthā
Kittayī parisāsu maṃ

Kilesā jhāpitā mayhaṃ
Bhavā sabbe samūhatā
Nāgova bandhanaṃ chetvā
Viharāmi anāsavo

Svāgataṃ vata me āsi
Buddha seṭṭhassa santikaṃ
Tisso vijjā anuppatto
Kataṃ Buddhassa sāsanaṃ

Paṭisambhidā catasso ca
Vimokkhāpi ca aṭṭha’me
Chalabhiññā sacchikatā
Kataṃ Buddhassa sāsanaṃ

Buddha putto mahāthero
Sīvali jinasāvako
Uggatejo mahāvīro
Tejasā jinasāsanaṃ

Rakkhantā sīla tejena
Dhanavanto yasassino
Evaṃ tejānu-bhāvena
Sadā rakkhatu Sīvali

Kappaṭṭhāyiti Buddhassa
Bodhimūle nisīdiya
Mārasenappamaddanto
Sadā rakkhatu Sīvali

Dasapāramitappatto
Pabbaji jinasāsane
Gotama sakya puttosi
Therena mama Sīvali

Mahāsāvakā asītiṃsu
Puṇṇatthero yasassiso
Bhavabhoge aggalābhīsu
Uttamo tena Sīvali

Evaṃ acintiyā Buddhā
Buddha dhammā acintiyā
Acintiyesu pasannānaṃ
Vipāko hoti acintiyo

Tesaṃ saccena sīlena
Khanti metta balena ca
Tepi tvaṃ (maṃ) anurakkhantu
Sabba dukkha vināsanaṃ

Tesaṃ saccena sīlena
Khanti metta balena ca
Tepi tvaṃ (maṃ) anurakkhantu
Sabba bhaya vināsanaṃ

Tesam saccena sīlena
Khanti metta balena ca
Tepi tvaṃ (maṃ) anurakkhantu
Sabba roga vināsanaṃ