Bhaddekaratta Sutta

Atītaṁ nānvāgameyya
Nappaṭikaṅkhe anāgataṁ
Yadatītampahīnantaṁ
Appattañca anāgataṁ.
 
Paccuppannañca yo dhammaṁ
Tattha tattha vipassati
Asaṁhīraṁ asaṅkuppaṁ
Taṁ viddhā manubrūhaye.
 
Ajjeva kiccamātappaṁ
Ko jaññā maraṇaṁ suve
Na hi no saṅgarantena
Mahāsenena maccunā.
 
Evaṁ vihārimātāpiṁ
Ahorattamatanditaṁ
Taṁ ve bhaddekarattoti
Santo ācikkhate munīti.