Pabbatopama Gāthā

Yathāpi selā vipulā
Nabham āhacca pabbatā
Samantā anupariyeyyum
Nippothentā catuddisā

---

Evam jarā ca maccu ca
Adhivattanti pāṇino
Khattiye brāhmaṇe vesse
Sudde caṇḍāla-pukkuse

---

Na kiñci parivajjeti
Sabbam-evābhimaddati
Na tattha hatthīnam bhūmi
Na rathānam na pattiyā
Na cāpi manta-yuddhena
Sakkā jetum dhanena vā

---

Tasmā hi paṇḍito poso
Sampassam attham-attano
Buddhe Dhamme ca Sanghe ca
Dhīro saddham nivesaye

---

Yo Dhammacārī kāyena
Vācāya uda cetasā
Idheva nam pasamsati
Pecca sagge pamodati.