Pattidāna Gāthā

Puññassidāni katassa
Yānaññāni katāni me
Tesañca bhāgino hontu
Sattānantāppamāṇaka.

---

Ye piyā guṇavantā ca
Mayham mātā-pitādayo
Diṭṭhā me cāpyadiṭṭhā vā
Aññe majjhatta-verino;

---

Sattā tiṭṭhanti lokasmim
Te-bhummā catu-yonikā
Pañceka-catuvokārā
Samsarantā bhavābhave

---

Ñātam ye pattidānam-me
Anumodantu te sayam
Ye cimam nappajānanti
Devā tesam nivedayum.

---

Mayā dinnāna-puññānam
Anumodana-hetunā
Sabbe sattā sadā hontu
Averā sukha-jīvino

---

Khemappadañca pappontu
Tesāsā sijjhatam subhā.